09 junho 2006
Lista de Lugares cos que Babexo ao os Nomear
Rhin [Rin]Algúns destes lugares non sei case nin ónde quedan (oh, atrevida ignorante!). Moitos outros, si. Claro que me dan igual todos eses que confunden afanosamente a intelixencia con saber ou non a capital de Kenia. Sempre me fixeron graza os esforzados en demostrar os seus espasmos neuronais con ardides semellantes. Cando un intenta deixar claro que é moi intelixente... ¿é intelixente ou petardo? Non sei por que, esforzo e intelixencia non me casan na cabeza. Claro que a miña é só unha cabeza que vive de memes e lembranzas semiimplantadas.
A Terra destes humanos é grande dabondo como para competir co Universo coñecido... Así houbo que poñerlle nome a todo, a todo. As criaturas mecánicas percorren co dedo mecánico unha interfaz. A interfaz da Terra que tampouco é súa. Todos estes topónimos emocionan fondamente a súa falta de entrañas. Ás veces non hai como non ter vísceras para sentilas palpitar a cada paso, como lle acontecía ao Leñador de Folladelata.
Qué namorados están deles mesmos e do seu planeta azul. Viven de ser "eu" e de beber auga potable.
Pero "eu" afoga nun vaso de auga. Alguén bota esa auga, estrágaa. E a Terra, reseca, estira o pescozo de tartaruga moi vella. E o Mar, un aprendiz de Aral, un enorme esterqueiro, un abismo a presión dende o que nos miran peixes cegos, albinos, transparentes, cun signo de interrogación aberto no espiñazo.
Qué felices que somos nesta terra, pronunciando estes nomes bonitos nas noites de calor. Acariciando o pescozo veludo dos nosos nenos. Rin Devesos Samarkanda...
BSO: Beautiful feeling, PJ Harvey
Daphnis et Chloe, Maurice Ravel
Datos de interese:
Latitude:
43.3
Lonxitude:
-8.38333
Altitude:
97
Saída do Sol:
6:54 AM GMT 2
Posta do Sol:
10:12 PM GMT 2
(15 horas de luz solar! Coño, xuño é unha verbena)
Fase luar: in crescendo molto splendente
Un regalo resplandeciente para el día de la madre o del padre, cumpleaños, Navidad, bodas, San Valentín u otras ocasiones especiales. Por sólo € 69 recibe un Kit Estelar de MYSTAR - Global Star Registry. El kit contiene un certificado firmado que confirma el nombre y las coordenadas astronómicas de su estrella. También obtiene un mapa celeste que muestra la ubicación de su estrella en forma destacada. El kit incluye también un colgante grabado con la constelación de la estrella y sus coordenadas exactas. Puede escoger el colgante como collar o llavero. Inmortalice su propio nombre o el de otra persona entre las estrellas. ¡Un regalo brillante y exclusivo que nunca dejará de complacer!
Mmm. Quedan poucos días para unha sinalada data... ¿Optarei por regalar unha estrela do Kit Estelar de MYSTAR?¿Unha navalla mariposa?¿Syberia II para PC? ¿Un pequeno tití cun chapeu morado e unha cadeíña de prata? ¿Un acuario? ¿As obras de Sade, marqués-de-? ¿Unha viaxe ás Covas Do Rei Cintolo? ¿Unha cesta de nadal? ¿Un ideograma chinés co significado de -quéseieu- "inmortalidade", "nirvana total", "fecundidade rotunda" ou "melocotoneiros en flor púrpura e lesbianas de almorzo debaixo"?
Tic-tac, tic-tac. Pensa, pensa, coelliño branco, pupilas rosa...
Marcadores: Listismo
10 Comments:
O una mancha de café reseca sobre una factura del gas!
Estamos rodeados de regalos dalinianos y excéntricos que harían caer la baba a nuestros destinatarios y ni nos damos cuenta!
Gracias por abrirme los ojos
Gosto tamén de Zas (Gz), Amadora (Pt), Portsmouth (En)...
a miña lista para babexar sería máis ou menos a seguinte.
1. Hugh Grant en four wedings and a funeral (síntoo, unha ten as súas perversións)
2. O principiño
3. "O sol do verán" de Carlos Casares
4. Os bebés que abren os ollos dende o principio
5. Un osiño de peluche que me levo en todas as mudanzas
6. Miña irmá durmida
7. A poesía mística de Sor Juana Inés de la Cruz
8. A poesía de Catulo
9. Un papeliño no que un compañeiro de clase anotou para min un nome que me cambiou "Wittman" (que non se escribe así)
10. Miña avoa cando di "entre Santiago y La Coruña no hay color"
11. As dez da noite do 24 de xullo en Compostela
12. "Mi primer bikini" de Elena Medel
13. un teu poema de "pan:libro de ler e desler" que copiei na parte de dentro dunha libreta.
14. Os números da superpop que mercaba a miña amiga eli a 150 pts
15. as cartas de familias de sete países...
(...)
É tan cándido o da túa avoa dicindo "Entre Santiago y La Coruña no hay color".
Sor Juana Inés, Catulo (gran nome para un gato)... Coincido por completo.
Agardo coñecer axiña a un bebé que abra os ollos dende o principio. Lembrarei de ti, aínda que non nos coñezamos.
Curioso.
Si que é bo nome Catulo para un gato, pensareino cando teña un, pese a que sempre quixen ter un gato que se chamara "can" e un can que se chamara "gato" :P
eu tamén quero coñeser ese bebé en canto abra os ollos ;)
bicos
Natalia González y Sebastián Quiroga Torres
www.revista-interrupciones.blogspot.com
revista_interrupciones@yahoo.com.ar